काठमाडौँ — फाल्गुन २०, २०७८। 

न्यू राईज ईन्टरटेनमेन्टद्वारा आयोजित मिस्टर सुदुरपश्चिम  'मिस्टर एण्ड मिस सुदुर पश्चिमाञ्चल डिभा आईकन' को अन्तिम स्पर्धा कैलालीस्थित उद्योग वाणिज्य संघको सभाहलमा सम्पन्न भएको छ। 

आयुष साउद र अदिति जोगिले उक्त प्रतियोगिताको उपाधि जितेका छन् । साउद र  र जोगिले क्रमश पुरुष र महिला तर्फको उपाधि जितेका हुन् । 

कार्यक्रममा मिस सुदुर पश्चिम वर्ल्डवाईड नेपाल बिना देउवा र मिस्टर सुदुर पश्चिम आईकन वर्ल्डवाईड कृतिक श्रेष्ठ चयन भए।  त्यसैगरी लिटिल मिस सुदुर पश्चिम डिभा फिवना बिष्ट र लिटिल मिस्टर सुदुर पश्चिम आईकन एपिशोन थापा चयन भएका थिए। 

नवराज देउवाले संचालन गरेको उक्त कार्यक्रममा प्रमुख अतिथी जिल्ला वन कार्यालय प्रमुख भोजराज पाठक त्यसैगरी नाङ्ग्लो क्याफेका संचालक बहादुर खत्री रहेका थिए। प्रतियोगिताको निर्णायकमा प्रतिक्षा सिंह, आशिका शाह र मनिशा राजवंशी रहेका थिए।

प्रतियोगितामा मिस टिन चार्मतर्फको अवार्ड आरुषी शाहले जितिन भने ग्लोवल अनलाईन पे मार्फत गरिएको अनलाईन भोटिङ मार्फत सर्वाधिक मत प्राप्त गरि मस्ट पपुलर मोडलतर्फको अवार्ड कृतिक श्रेष्ठले हात पारे। 

प्रतियोगितामा अन्य विधागत तर्फ मिस फोटोजेनिक र मिस व्युटिफुल मौषमी खड्का, मिस कन्फिडेन्ट निकिता सापकोटा र मिस कन्फिडेन्ट सिनियर तर्फ अन्जली शाह चयन भएका थिए।